Крёз тяштьксне Мокшень модаста | Cross symbols from the Moksha land
Сире пингонь калмама васттнень шувондомста муф паршихнень коряс содаф, мес мокшетне лама пинге озонкшнесть коень шкайхненди. Башка кода повсть крёсне инь кунаронь VII-IX сядокизонь калмотнень потмос? Тоса муфт крёзонь кодяма пилеуськет (нинге подвескат), конат повфневсть крганятненди, накосникненди. Крёсне ульсть эди сёвонень сяканятнень лангса. Тонафнефхне арьсихть, мес крёзсь – тя аф кристозшинь, а толонь, шинь тяштькс. Башка эди сяда позда пингонь муфксне XIII-XIV сядакизонь калмотнень эса корхтайхть сянь колга, мес васень пинкнень крёсне канневсть кода мазоптомкат, ломаттне культовайкс синь ашезь лувонда. А повондсть синь мокштненди славяттнень, кристозти озонды ломаттнень вельде эли мишендемань-рамсемань киге. Кепотьксонди, э рямопингонь содай Смирнов Ива сась мяльс « кунардонь пинкнень мокшети шабракс ульсть герматтне, литватне, славяттне »; эсь мяленц сон кемокснесы сянь вельде: мусь, кле, ня калкнень кяльса фкя лацонь валхт. Сон няфнесы, мес мокшетне, кода иля суомин...