Мезенкса шавондозь аф муворуфнень? | Why the killers aren't guilty?
«Мордовиянь АССР-онь НКВД-сь Мордовияса музе эди машфтозе антисоветонь организациять – троцкистонь эди националистонь блокть» (кона бта ульсь филиалкс Москувонь право-троцкистонь блокти), – ва тяфта пря шнасть чекисттне 1938 кизоня. Сталинонь репрессиянь машинать шарыенза ётасть марнек масторть пачка, сяконь ёткса эди Мордовиява. Синь эрьхтсть эди мокшэрзянь педагогиень институтти, республикасонк васенце вузть лангс, кона панжевсь 1931 кизоня. Колмогемонце кизотнень кучкаста ушедсть ни люпштама: панцесть покамвастста, панцесть партияста, комсомолста. Сембода пяк тя тевсь вишкомсь 1937-1938 кизотнень, мзярда кармасть вешендема «троцкистт эди вредительхть», ломатнне муворгофневсть, бта синь молихть Советонь азорксши каршес, бта срксихть шавомс партиять эди кирдимасторть оцюняснон. 1937 кизоня НКВД-сь «музе» (сяда нама – арьсезе шава вастса) мокшэрзянь право-троцкистонь, буржуазно-националистонь блокть, кона, кле, ёразе машфтомс советонь кoшардомвийть, ёразень шавомс Сталинонь, Молот...